11-8-2012 將軍澳中心吉之島Jusco Living Plaza $12

將軍澳中心的12蚊店好多嘢賣呀！不過好少skin care。

8號風球追風記

2012年7月23號，天文台在下午5點40分發8號風球。
而我4點40分已由中環搭地鐵返將軍澳。人流少過平時6點放工時間。
點知返到將軍澳，小巴站超多人排隊，好激氣！咁就行山路上返屋企。
山徑好大風，出到大路之後仲大風啊！吹到傘都就嚟爛！人都企唔到！吓死我啦！
好彩最後都安全返到屋企，亦都冇病，不過都食咗一粒藥。
晚間d風吹到d窗好吵，好恐怖！
我同老公都訓唔到覺，他玩tablet，話已去到9號波！
第二朝要早返工，訓醒後check天氣，點知仲系8號波。
好嘢！唔洗返，再訓過！
10點10分改為3號波，11點就出門返工。
去到巴士站，哇！超超超多人排隊，只有小巴，冇巴士。
唯有行落山搭地鐵，路上有好多倒塌的樹！
返到公司，大多數同事都返咗，只有3個未返，他們搞笑話最後返工要請食下午茶。